Хэвлэлийн мэдээ

Эмэгтэй инженерүүд, технологичид, эрдэмтэд, математикчдын нэгдсэн холбоо /МЭИТЭМ/-ны бүх гишүүдийн VII чуулганыг “Тогтвортой хөгжилд эмэгтэйчүүдийн оролцоо” сэдвийн дор Орхон аймгийн Засаг даргын тамгын газар, “Эрдэнэт үйлдвэр” ТӨҮГ-тай хамтран 2022 оны 10-р сарын 22-ны өдөр Эрдэнэт хотод зохион байгууллаа. Тус чуулганд 400 гаруй гишүүд болон бусад байгууллагын төлөөллүүд хүрэлцэн ирж чууллаа. Энэ удаагийн бүх гишүүдийн чуулга нь МЭИТЭМ байгуулагдсаны арван жилийн ойн тэмдэглэлт үйл ажиллагаатай давхацсанаараа онцлог юм.

ХБНГУ-аас Гольфийн багш Д.Очирчулууны санаачилгаар ХБНГУ дахь ОСиЭс Консалтинг ХХК-ийн зохион байгуулсан Зудад нэрвэгдсэн малчдад зориулсан хандивын аянд Герман, Швейцар улсаас сайхан сэтгэлт Монголчууд болон Монголын эмэгтэй инженерүүд, технологичид, математикчид (МЭИТМЭ)-ийн нэгдсэн холбооны гишүүд нэгдлээ.

Монголын санхүүгийн үйлчилгээ эрчимтэй хөгжиж байгаа ч ахмад настнууд эдгээр санхүүгийн шинэ технологитой хөл хийлүүлэн алхаж чадахгүй байгаа билээ. ICT-д суурилсан санхүүгийн үйлчилгээ үзүүлэх арга замыг шинэчлэн өөрчилж, ялангуяа ахмад настнуудын санхүүгийн бие даасан байдал болон санхүүгийн аюулгүй үйл ажиллагааг дэмжсэн шинэчлэл хийх шаардлагатай байна.

Эмэгтэй эрдэмтэд, инженерүүдийн нэгдсэн холбооны 2024 оны бүх гишүүдийн чуулга уулзалт нь Засгийн газрын ордонд 2024 оны 12-р сарын 7-ны өглөөний 8.00 -аас бүртгэж, 9-00 цагаас эхлэх ба танхим болон цахим хосолсон хэлбэрээр явагдах тул таны хүрэлцэн ирэхийг урьж байна.